Kúlki kúninde telefon lańkesteri belsenip shyǵa keldi
ASTANA. 2 sáýir. QazAqparat - Kúlki kúni, 1 sáýirde elimizde telefon lańkesteriniń belsendiligi artyp, quqyq qorǵaý jáne tótenshe jaǵdaılar qyzmetkerleriniń degbirin aldy.
Elimizdiń birqatar qalalarynda jarylǵysh zat qoıylǵandyǵy týrasyndaǵy anonımdi aqparat sany birshama artqan. Oǵan QR Tótenshe jaǵdaılar mınıstrligi jarııa etken derekter dálel.
Máselen, 1 sáýir kúni respýblıka boıynsha dál osyndaı sıpattaǵy 3 habarlama túsken. Onyń biri Qostanaı qalasynda, al ekeýi Almaty qalasynda tirkelgen. Qostanaıda jalǵan telefon lańkesi 9 qabatty kóppáterli turǵyn úıge jarylǵysh zat qoıylǵandyǵyn habarlasa, Almatyda «Qazaqfılm» kınostýdııasy men «Almaty» saýda ortalyǵy qyzmetkerlerin dúrliktirgen. Qýanyshtysy, bul aqparattardyń barlyǵy da jalǵan bolyp shyqty. Qazirgi ýaqytta quqyq qorǵaý organdarynyń qyzmetkerleri jalǵan lańkesti izdestirip, atalǵan ýchaskelerde jarylǵysh zat izdeý is-sharalaryna júrgizýge ketken shyǵyndardy esepteý ústinde.
