Kúlekbaev jeke kamerada óte qatań jaǵdaıda ustalady
ALMATY. QazAqparat - Jelide qylmystyq ister jónindegi Almaty aýdanaralyq sotynyń tóraǵasy Martpek Kákimjanovtyń Rýslan Kúlekbaevtyń isi jónindegi túsindirme bergen vıdeosy jarııalandy, dep habarlaıdy «QazAqparat» HAA tilshisi.
«Sizderge qylmystyq ister jónindegi Almaty aýdanaralyq sotynyń tóraǵasy Martpek Kákimjanovtyń Rýslan Kúlekbaevtyń isi jónindegi túsindirgen vıdeosyn usynamyn.
Úkim zańdy kúshine enbegenine qaramastan, biraq istiń áleýmettiń jelide úlken rezonas týdyrǵan máselelerge, atap aıtqanda, ólim jazasynyń berilýin, jasalǵan qylmys jáne oǵan úkimniń shyǵarylýynyń zańdylyq negizin túsindirýdi usyndyq»,-degen pikirimen bólisti vıdeoda Almaty qalalyq sotynyń aqparatpen qamtý bóliminiń jetekshisi Dıas Mahambetov.
Sýdıa lańkes Kúlekbaevqa ólim jazasy berilgendigin eske saldy. «Osy máselege baılanysty túsinik bermekpin. Qazaqstan Respýblıkasy Konstıtýtsııasyynyń 15 babyna sáıkes, sondaı-aq Qylmystyq Kodekstiń 47 babymen ólim jazasy - eń aýyr qyzmystyq jaza retinde adamdardyń ólimine ákelgen lańkestik qylmysy úshin beriledi.
Buǵan qosa qoldanystaǵy qylmystyq zańnama eń aýyr jaza - ólim jazasyn taǵaıyndaýǵa tyıym sala almaıdy.
QR Prezıdentiniń 2003 jylǵy 17 jeltoqsandaǵy №1251 Jarlyǵymen elimizde ólim jazasyna moratorıı engizilgen.
Prezıdent Jarlyǵy Qazaqstan terrıtorııasynda múltiksiz saqtalýy tıis zań bolyp tabylady.
Sondyqtan Kúlekbaev moratorıı kezinde jeke kamerada óte qatań jaǵdaıda ustalady», - dedi Martpek Kákimjanov.
