Kúlekbaev sotta sońǵy sózin aıtty

ALMATY. QazAqparat - Búgin Almatydaǵy LA-155/18 tergeý abaqtysynda Rýslan Kúlekbaevtyń isine qatysty ashyq sot talqylaýynyń tórtinshi kúni ótip jatyr. Buǵan deıin habarlaǵanymyzdaı, Almaty qalasy prokýrorynyń orynbasary Jarqynbek Baqashbaev Kúlekbaevqa ólim jazasyn suraǵan bolatyn. Sot talqylaýynyń 4-shi kúnindegi jaryssózde sóz sóılegen Kúlekbaev qandaı jazaǵa bolsyn kónetinin aıtty, dep habarlady QazAqparat tilshisi sot zalynan.

Kúlekbaev óz sózinde dinı ýaǵyz aıta bastap edi Almaty qalasy qylmystyq ister jónindegi mamandandyrylǵan aýdanaralyq sotynyń sýdıasy Erlan Bolatov ony toqtatyp tastady.

«Men ne úshin jasaǵanymdy aıtaıyn? Jasaǵan isimdi moıyndaımyn. Men bul qylmysty, sizder aǵa-baýyrlaryńyz, balalaryńyz qaza tapqanyn aıtyp otyrsyzdar ǵoı. Olar da meniń «sestralarymdy», «baýyrlarymdy» Allahtyń zańynsyz qınaǵan, ádiletsiz sottap, semıasynan bólip tastady. Men sol sebepten osyny jasadym», dedi Kúlekbaev.

Osy sózinen keıin sýdıa Bolatov ony taǵyda toqtatty. «Siz munda ýaǵyz aıtpańyz», -dedi ol.

«Maǵan qandaı jaza qoldanyp jatyr, ólim jazasy bolsyn, máńgilik otyrǵyzý jazasy bolsyn ınshallah sabyr etemin. Maǵan qoldanǵan zań áser etpeıdi. Allah jaratqan shybyn shaqsa áser etedi, qalǵany sóz», - dedi ol.