«Quldyqta ótken 12 jyl» fılmi Ulybrıtanııada bas júldege ıe boldy
ASTANA. QazAqparat - «Quldyqta ótken 12 jyl» tarıhı dramasy BAFTA brıtandyq kıno jáne televızııalyq óner nusqasy boıynsha eń úzdik fılm atandy.
Bul týraly Londonda 67-shi ret ótip jatqan Ulybrıtanııanyń kıno salasyndaǵy eń bedeldi marapatyn saltanatty tapsyrý rásimi kezinde belgili boldy.
Jyldyń eń úzdik fılmine "Fılomena" (Philomena) tragıkomedııasy jáne Somalı qaraqshylary jaıynda túsirilgen "Kapıtan Fıllıps" (Captain Phillips), "Gravıtatsııa" (Gravity) trılleri jáne "Amerıkansha aldaý" (American Hustle) krımınaldyq komedııasy usynylǵan bolatyn.
«Quldyqta ótken 12 jyl» fılminde basty róldi somdaǵan Chıvetel Edjıofor úzdik akter retinde BAFTA nagradasyna laıyq dep tabyldy. Al «Úzdik aktrısa» atalymyndaǵy syılyqty «Jasmın» dramasynda oınaǵan avstralııalyq Keıt Blanshett ıelendi.
