Quldyqqa tap bolmaý úshin ne isteý kerek
«Sóz sońynda quldyqqa túspeý úshin qandaı saqtyq sharalary kerek ekenin aıtqym keledi. Jeńil tabys tabýǵa bolatyny týraly kúmándi usynystarǵa aldanbańyz. Eshkimge jeke basyńyzdy kýálandyratyn qujattardy bermeńiz. Ózge elge nemese qalaǵa shyǵar kezde jaqyndaryńyz ben týǵan-týysqandaryńyzǵa qaıda bara jatqanyńyzdy aıtyp, yqtımal mekenjaıyńyzdy, baılanys derekterin berip ketińiz», - dedi ol vedomstvonyń aqparat alańynda óten onlaın brıfıngide.
Sondaı-aq, polıtsııa ókili qoǵamdy da bul iske beı-jaı qaramaýǵa úndedi.
«Ondaı zań buzý faktileri týraly bilseńizder nemese kýási bolsańyzdar, áreketsiz qalmaýlaryńyzdy suraımyz. Kimde-kim mundaı jaǵdaıǵa tap kelgen bolsa, dereý jaqyn jerdegi polıtsııa bólimine habarlasý kerek. «102» nómirine nemese «1616» senim telefonyna habarlassyn. Ár óńirde polıtsııamen birge úkimettik emes uıymdar da osy baǵytta jumys isteıdi. Olar da adam saýdasynyń qurbandaryna kómek kórsetýge daıyn», - dedi Qanat Nurmaǵambetov.
