Qulaýǵa shaq qalǵan bıiktigi 60 metrlik munara qaıta túzýlene bastady
ASTANA. QazAqparat - Italııadaǵy Pıza Ýnıversıtetiniń mamandary ataqty Pızan munarasynyń jaǵdaıy jaqsarǵandyǵyn málim etti. Ony nyǵaıtý sharalarynan soń munara 4 santımetrge túzýlengen, dep habarlaıdy BBC.
Pızan munarasynyń qısaıýyna ol turǵyzylǵan jerdiń oń jaǵyndaǵy qum men balshyq qabatynyń sol jaǵyndaǵyǵa qaraǵanda jumsaq bolýy áser etken.
Qurylysshylar úshinshi qabatqa jetken sátte nysan astyndaǵy topyraq otyra bastaǵan.
Qulaý qaýpi týyndaǵan 1990 jyly Pızan munarasy kelýshiler úshin jabyldy. Sol kezde onyń ústińgi bóligi bir jaǵyna 4,5 metrge qısaıǵan edi.
Aıta ketsek,aq mramordan qalanǵan 60 metrlik munarany eki ǵasyrǵa jýyq - 1173 jyldan bastap 1360 jylǵa deıin salǵan edi.
