Kúlásh Báıseıitova týraly jańa kitap jaryq kórdi
ALMATY. Qańtardyń 15-i. QazAqparat /Erlik Erjanuly/ - Almatyda "Ana tili" baspasynan qalamger Sara Latıevanyń "Bulbul" dep atalatyn ómirbaıandyq povest-esse kitaby jaryq kórdi,
dep habarlaıdy QazAqparat.
"Kúlásh Baıseıitova jaıly jazý úshin jumysty neden bastaý kerek degen másele týdy. Óner álemine qyzyǵa, áýestikpen qaraı bastaǵan sanaly kezeńnen bastap, qazaq úshin tirisinde ańyzǵa aınalǵan ánshi týraly jazamyn dep moıynǵa alý bir basqa da, ony el qabyldaǵandaı, arýaqqa shet bolmaıtyndaı etip júzege asyrý bir basqa. Osy eki basqa sharýanyń jaýapkershiligin anyq sezingen kezde taısaqtaǵan sátter de boldy. Biraq Kúláshqa degen, halyqtyń oǵan súıispenshiliginge degen, ónerge degen qurmetim durys jón siltedi ǵoı dep oılaımyn" deıdi Sara Latıva kitaptyń alǵysózinde. Avtordyń aıtýynsha, shırek ǵasyr buryn jaryq kórgen kitapta kezdesken, sóılesken adamdardyń aıtqandarynyń bári birdeı odan oryn tappaı qalǵan edi. Sondyqtan ony qaıta bastyryp, sol adamdardyń áńgimesin aıtylǵan qalpynda birge jarııalaýdy jón kórgen. Óıtkeni bul sımvoldyq emes, kádimgi et pen súıekten jaralǵan tiri adamnyń ómiri, sony kórgen adamdardyń "aıta alǵan" áńgimesi.
