Kúlásh Baıseıitova atyndaǵy ulttyq opera jáne balet teatry jabylady
«Memlekettik múlik týraly» 2011 jylǵy 1 naýryzdaǵy Qazaqstan Respýblıkasynyń Zańyna sáıkes Qazaqstan Respýblıkasynyń Úkimeti qaýly etedi: 1. Qazaqstan Respýblıkasy Mádenıet jáne aqparat mınıstrligi Mádenıet komıtetiniń «Kúlásh Baıseıitova atyndaǵy ulttyq opera jáne balet teatry» respýblıkalyq memlekettik qazynalyq kásiporny taratylsyn. 2. Qazaqstan Respýblıkasy Mádenıet jáne aqparat mınıstrliginiń Mádenıet komıteti Qazaqstan Respýblıkasy Qarjy mınıstrliginiń Memlekettik múlik jáne jekeshelendirý komıtetimen birlesip, zańnamada belgilengen tártippen osy qaýlydan týyndaıtyn sharalardy qabyldasyn. 3. Qosa berilip otyrǵan Qazaqstan Respýblıkasy Úkimetiniń keıbir sheshimderine engiziletin ózgerister bekitilsin. 4. Mynalardyń kúshi joıyldy dep tanylsyn: 1) «Astana qalasynda «Aq Orda» opera jáne balet teatryn ashý týraly» Qazaqstan Respýblıkasy Úkimetiniń 2000 jylǵy 22 qańtardaǵy № 114 qaýlysy (Qazaqstan Respýblıkasynyń PÚAJ-y, 2000 j., № 3, 41-qujat); 2) «Qazaqstan Respýblıkasy Úkimetiniń 2000 jylǵy 22 qańtardaǵy № 114 qaýlysyna ózgerister engizý týraly» Qazaqstan Respýblıkasy Úkimetiniń 2000 jylǵy 5 sáýirdegi № 507 qaýlysy (Qazaqstan Respýblıkasynyń PÚAJ-y, 2000 j., № 18, 190-191-qujattar); 3) «Astana qalasyndaǵy opera jáne balet teatry týraly» Qazaqstan Respýblıkasy Úkimetiniń 2000 jylǵy 10 shildedegi № 1048 qaýlysy (Qazaqstan Respýblıkasynyń PÚAJ-y, 2000 j., № 28, 351-qujat). 5. Osy qaýly qol qoıylǵan kúninen bastap qoldanysqa engiziledi.
Qazaqstan Respýblıkasynyń Premer-Mınıstri S. Ahmetov
