Opyrylǵan Aqbıkesh munarasynyń qazirgi jaǵdaıy qalaı
TÚRKІSTAN. KAZINFORM — Bıyl qańtar aıynda Túrkistan oblysy Sozaq aýdany Aqsúmbe aýylyndaǵy 6 ǵasyrdan astam tarıhy bar «Aqbıkesh» munarasynyń bir bóligi qulap qalǵan edi.
Osydan soń ile-shala opyrylǵan munarany tekseretin jumys toby qurylyp, eskertkishti restavratsııalaý, konservatsııalaý múmkindikteri qarastyryldy.
Tarıhı nysandy qalpyna keltirý jumystaryn júrgizgen Mádenıet jáne aqparat mınıstrligine qarasty «Qazqaıtajańartý» mekemesi Kazinform tilshisiniń resmı saýalyna jaýap berdi.
Vedomstvonyń málimetinshe, «Aqbıkesh» munarasyna júrgizilgen ǵylymı-zertteý jumystarynyń nátıjesinde eskertkishtiń túpnusqalyq (tarıhı) qurylymynyń tolyq saqtalǵany rastalǵan.
Sondaı-aq eskertkishti odan ári saqtaý maqsatynda munaranyń kontýryn ishinara qaıta jańǵyrtýdy jáne konservatsııalyq jumys júrgizýdi kózdeıtin jobalyq sheshim ázirlengen.
— Mundaı tásil restavratsııanyń belgilengen ádisterine tolyq sáıkes keledi. Osyǵan baılanysty munaranyń barlyq syrtqy betterine konservatsııalyq sylaq qoldanyldy, ol munara materıalyn odan ári buzylýdan qorǵaýǵa múmkindik beredi. Konservatsııalyq sylaqtyń negizgi qyzmetteri ylǵaldan, jelden, aıaz áserinen bolatyn buzylýdan, shańnan, tuzdan, jańbyr men qardan qorǵaýǵa baǵyttalǵan. Sonymen qatar, konservatsııalyq sylaq álsiregen materıaldardy turaqtandyryp, munara qurylymyn nyǵaıtady jáne materıaldyń úgitilýine jol bermeıdi, — delingen mekemeniń usynǵan jaýabynda.
Qazirgi ýaqytta «Aqbıkesh» munarasyna monıtorıng ornatylǵan. Onyń nátıjesi taldanyp, sonyń negizinde eskertkishti odan ári saqtaý boıynsha qosymsha sharalar qabyldanady.
Budan buryn Túrkistan oblysyndaǵy tarıhı eskertkish qulap qalǵanyn jazǵan edik.
Opyrylǵan Aqbıkesh munarasyn tekseretin jumys toby quryldy.
Arnaıy qurylǵan komıssııa músheleri Sozaq aýdanyndaǵy «Aqbıkesh» munarasyna bardy.
