Qulaqqappen áýen tyńdaý qyzylordalyq azamatty ajalǵa uryndyrdy
QYZYLORDA. QazAqparat - Apat Belkól stantsııasyndaǵy temirjolda oryn alǵan. 20 qazanda shamamen tańǵy saǵat 08:19-da «Belkól» stantsııasynda Qyzylorda qalasynyń turǵyny 40 jastaǵy azamatty júk poıyzy qaǵyp ketti.
Bul týraly QazAqparat tilshisi oblystyq ІІD silteme jasap habarlady.
Tekserý kezinde qaza tapqan adam temirjoldy kesip ótkende qulaqqap arqyly áýen tyńdap júk poıyzyn kórmeı qalǵan.
Atalǵan fakt Qazaqstan Respýblıkasy Qylmystyq kodeksiniń 344-babynyń 1-bóligi boıynsha Qyzylorda jelilik ishki ister bóliminiń sotqa deıingi tergep-tekserýdiń birińǵaı tizilimine tirkelip, tergeý amaldary júrgizilýde.
