Qulaǵy estimeıtinder men zaǵıp jandarǵa arnalǵan baǵdarsham jasaldy
ASTANA. QazAqparat - Argentona (Argentına) Instıtýtynyń janyndaǵy ǵylymı klýbtyń 15 jastaǵy úsh jasóspirimi kózi kórmeıtinder men qulaǵynyń múkisi bar jandarǵa arnap baǵdarsham jasap shyǵardy. Onyń jumys isteý júıesi qarapaıym, ol úshin bar bolǵany kózi kórmeıtin adamdar paıdalanatyn taıaq qajet.
Bul júıe sensorly plıta arqyly jumys isteıdi. Plıta jaıaý júrginshiler jolyna odan óter aldynda jerge qoıylady.
ıAǵnı adam qolyndaǵy taıaǵyn plıtanyń ústine qoıady, osy kezde baǵdarshamǵa belgi berilip, kólikter úshin onyń «qyzyl túsi» janyp, qozǵalys toqtatylady. Avtokólikter toqtaǵan kezde, jaıaý júrginshi de joldan óte alady. Ol jasyl tústiń janǵanyn onyń taıaǵynyń dirildegeninen sezedi.
Ǵylymı toptyń jetekshisi, ǵalym Ivan Nadaldyń sózine qaraǵanda, bul dybysty baǵdarshamdarǵa qaraǵanda, áldeqaıda jetildirilgen júıe bolǵannan keıin, ol tek kózi kórmeıtinderge ǵana emes, sonymen birge qulaǵy estimeıtinderge de kómektesedi.
Bul ónim jastar arasyndaǵy ǵylymı zertteýler baıqaýynda birneshe syıaqylarǵa ıe bolyp, sonymen birge jalpyulttyq ǵylymı sımpozımýdarda jaqsy baǵalanǵan. Biraq zertteýshilerdiń jańa júıeni shaǵyn qalalardyń birinde ornatýǵa da ázirge qarjylary jetkiliksiz, dep jazady rosbalt.ru.
