Qulaǵy aýyr estıtin balalarǵa arnalǵan alǵashqy mýltfılm túsirildi
ASTANA. Jeltoqsannyń 15-i. QazAqparat - Búgin Máskeýde keıipkerleri ymmen sóıleıtin álemdegi tuńǵysh mýltfılmniń kórsetilimi bolady.
«Dos bolaıyq» dep atalatyn týyndyny qazandyq anımatorlar túsirip otyr, dep habarlaıdy RSN agenttigi.
Kórsetilimge Máskeýdegi arnaıy mektepterden nashar estıtin jáne sańyraý balalar shaqyrylyp otyr. «Bul tómengi jaǵynda tıtrlar berilgen jaı mýltfılm emes, ol týyndynyń biregeıligi sol, onyń keıipkerleri ymmen sóıleıdi», - deıdi jobanyń bastamashysy Tatıana Merzlıakova.
Mýltfılm úsh aıda túsirilgen. Ázirge úsh serııanyń alǵashqysy ǵana túsirilip bitti, olardy jeke-jeke de, birge de kórýge bolady. Merzlıakova hanymnyń aıtýynsha, mundaı mýltfılm Reseıde ǵana emes, álem boıynsha alǵash ret túsirilip otyr.
