Kýlagın sý tasqyny bolýy yqtımal aýdandardy aralady
KÓKShETAÝ.QazAqparat - Aqmola oblysynyń ákimi Sergeı Kýlagın kezekti jumys saparymen Tselınograd, Astrahan, Egindikól jáne Bulandy aýdandarynda bolyp, kóktemgi sý tasqynynyń aldyn alý baǵytynda qolǵa alynǵan jumystardy kórdi, dep habarlaıdy «QazAqparat» HAA tilshisi.
Aımaq basshysy aldymen Tselınograd aýdanynyń Talapker aýylyndaǵy Esil ózeni boıynda ornalasqan ınjenerlik nysannyń aǵyn sýdyń irkilissiz ótkizilýin qamtamasyz etýdi qadaǵalady.
Bul jerde, aımaq basshysy ótken jyldyń jaz jáne kúz aılarynda sý tasqynynyń aldy alý baǵytynda keshendi sharalar júzege asyrylǵany týraly qulaǵdar boldy. Máselen, Aqmol, Jańajol, Birlik, Otaýtúsken jáne Qaraótkel aýyldaryn topan sýdan qorǵaý úshin salynǵan bógetter nyǵaıtylǵan.
Tótenshe jaǵdaıdy alý baǵdarlamasy boıynsha aýdandyq bıýdjetten 18,68 mıllıon teńge qarjy bólingen. Oǵan qosa, qajet bolǵan jaǵdaıda qosymsha taǵy 40 mıllıon teńge qarastyrylyp otyr.
Mamandardyń deregi boıynsha, bıyl Tselınograd aýdanynda 200 myń tekshe metrden astam qar túsken. Qardy tazalaý jumystaryna bıýdjetten 42,5 mıllıon teńge bólinip otyr. Qazirgi kezde, 75 myń tekshe metr qar tasymaldandy. 86 sý ótkizý nysanynyń 44 tazalandy. Aımaq basshysy bul baǵyttaǵy jumystardy 20 naýryzǵa deıin aıaqtaýdy tapsyrdy.
Sonymen qatar, Sergeı Kýlagın Nura jáne Esil ózeniniń deńgeıin baqylap otyratyn gıdro bekette boldy. Munda muzdy ýatý úshin jarý jumystary júrgizilmek. Jalpy, Nura ózeniniń betindegi muz qatparyn jarý aýmaǵy 1500 sharshy metrdi qurap otyr.
Astrahan aýdany aýmaǵynda eldi mekenderde túsken qardyń qalyndyǵy 400-450 mm quraıdy. Aýdanda ıAgodnoe, Novyı jáne Staryı Kolýton, Zelenoe aýyldaryna qaýip tónip tur. Osy oraıda, aımaq basshysy atalǵan eldi mekenderdegi qardy tazalaý jumystaryn shıratyp, qajet bolǵan kezde turǵyndar men úı janýarlaryn kóshiretin qaýipsiz jerdiń daıyn bolýyn tapsyrdy.
Bulandy jáne Egindikól aýdandarynyń ákimderine de osyndaı naqty tapsyrmalar júkteldi.
Sondaı-aq, aımaq basshysy, jaqyn kúnderi oblys aýmaǵyn áýeden baqylap, naqty jaǵdaıdy kózben kóretinin atap ótti.
