Kýlagın Kalachı jáne Krasnogorsktiń burynǵy turǵyndarymen kezdesti
KÓKShETAÝ. QazAparat - Aqmola oblysynyń ákimi Sergeı Kýlagın «uıqyly aýyldar» Kalachı jáne Krasnogorsk eldimekenderiniń burynǵy turǵyndarymen kezdesti, dep habarlaıdy «QazAqparat» HAA tilshisi ákimdiktiń baspasóz qyzmetine silteme jasap.
Esil aýdanyna jumys saparymen barǵan aımaq basshysy áleýmettik-turmystyq máselelerimen kelgen turǵyndarǵa jeke qabyldaý júrgizdi. Qabyldaýǵa kelgenderdiń arasynda Kalachı jáne Krasnogorsk aýylynyń burynǵy turǵyndary jáne jetim balalar bar.
Osy rette, kalachılikter men krasnogorlikter Esil qalasyna kóshýge kómek kórsetkeni úshin memleket basshysyna alǵysyn bildirse, baspanaly bolǵan jetim-balalar páter bólgeni úshin rızashylyqtaryn jetkizdi.
«Biz shyn nıetimizben Memleket basshysy Nursultan Ábishuly Nazarbaevqa, Úkimet basshylaryna jáne Aqmola oblysynyń ákimine jaǵdaıymyzdy túsinip, kómek qolyn sozǵandaryńyz úshin alǵysymyzdy aıtamyz. Búginderi bizge alańsyz ómir súrýimiz úshin barlyq jaǵdaı jasalǵan, - dedi zeınetker Nına Býrtseva.
Onyń sózin kórshisi Galına Arshıntseva da qostap otyr.
«Bizge aýylda qalý nemese qalaǵa kóshý týraly tańdaý quqyǵyn bergende biz oılanbastan kóshtik. Búginde munyń durys sheshim bolǵanyna kóz jetkizip otyrmyz. Qonaqqa kelgen balalarymyz bizdiń jaǵdaıymyzdyń jaqsy ekenin kórip, qýanýda. Elbasymyzǵa da oblys basshylaryna da analyq aq alǵysymyzdy bildiremiz», - dedi G.Arshıntseva.
Al, baspanaly bolǵan balalar úıiniń túlegi, jas ana Lıýbov Orlovanyń sózinen baqytty ómir súrip jatqanyn ańǵarýǵa bolady.
«Balalar úıiniń túlekteri de memlekettik qoldaýdy sezip keledi. Búginde bizdiń basymyzda baspanamyz, úı-jaıymyz, qyzmetimiz bar. Osyndaı ıgi iske bastamshy bolyp otyrǵan Elbasyǵa ár daıym alǵysymyz sheksiz,- dep aǵynan jaryldy L.Orlova.
