Kýlagın Granıtnyı aýylynyń jylýdan ajyratylýyna kinálilerdi jaýapqa tartýǵa ýáde etti
KÓKShETAÝ. QazAqparat - Aqmola oblysynyń əkimi Sergeı Kýlagın Zerendi aýdanynyń Granıtnyı aýylynda bolyp, «Ardager Nerýd» JShS-niń jylý qazandyǵynda júrgizilip jatqan jóndeý jumystarymen tanysty, dep habarlaıdy QazAqparat oblys ákiminiń baspasóz qyzmetine silteme jasap.
Eske sala keteıik, ótken aptada atalǵan aýyldyń jylý qazandyǵynda tótenshe jaǵdaı oryn alyp, jylý berý birneshe kúnge ýaqytsha toqtatylǵan bolatyn.
Osyǵan oraı aımaq basshysynyń tapsyrmasy boıynsha keleńsizdikti joıýǵa oblys jəne aýdan ortalyǵyndaǵy kommýnaldyq kásiporyndardyń 15 mamany jumyldyryldy, eki bý qazandyǵy ornatyldy.
Oblys ákimi jylý ortalyǵynyń basshysyna jylý jelisin qymtap, jabý boıynsha jumys júrgizýdi tapsyrdy. Oǵan qosa, aımaq basshysy turǵyndarmen kezdesip, tótenshe jaǵdaıǵa jol bergenderge qatysty shara qoldanatynyn atap ótti.
«Sizderdiń jaǵdaılaryńyz túsinikti, qazirgi kezde jylý berildi. Qysta osyndaı olqylyqtardy boldyrmaý úshin qosymsha eki qazandyq ornattyq. Mektepti jóndeý məselesin baqylaýǵa aldyq", - dep atap ótti S.Kýlagın.
