Kýlagın: Eshbir din soǵysqa, ádiletsizdikke shaqyrmaıdy
Oǵan atalǵan keńestiń músheleri, Kókshetaý qalasyndaǵy dinı birlestikterdiń basshylary jáne din ókilderi qatysty, dep habarlaıdy QazAqparat tilshisi oblys ákimdiginiń baspasóz qyzmetine silteme jasap.
Keńeste oblys ákiminiń orynbasary N.Nurkenov «Oblys mektepterinde zaıyrlylyq jáne dintaný negizderi» pánin oqytýdyń jaı-kúıi týraly, oblystyq densaýlyq saqtaý basqarmasynyń basshysy G.Qulysheva «Balalar densaýlyǵyn qorǵaý - ekpe egý máseleleri» taqyrybyndaǵy baıandamalary tyńdaldy.
Keńestiń kún tártibine engizilgen barlyq máseleler qaralǵannan keıin, oblys ákimi S.Kýlagın Keńes múshelerin jáne Kókshetaý qalasyndaǵy dinı birlestikterdiń basshylaryn Rýhanı kelisim kúnimen quttyqtady.
Aımaq basshysy óziniń quttyqtaý sózinde táýelsizdigimizdiń arqasynda, árbirimizdiń kez kelgen dindi erkin ustanýǵa, ulttyq dástúrdi saqtaýǵa jáne arttyrýǵa, Rýhanı kelisim kúnin atap ótýge múmkindigimizdiń bar ekendigin atap ótti.
«Eshbir din álemde kúshke, soǵysqa, ádiletsizdikke jáne azǵyndyqqa shaqyrmaıdy. Dinniń ustanymy - beıbitshilik, ádilettilik, tazalyq, shydamdylyq jáne barlyq tiri jandarǵa qurmet.
Alaıda, buǵan qaramastan, álemdik soǵys, terrorızm, búlinshilik, adamdardy, qarý-jaraqtardy jáne qandaı da bir dinniń atynan esirtki saýdalaý, sonymen qatar bir dindi ekinshisine qasaqana qarsy qoıý toqtamaı tur.
Sondyqtan búgingi tańda bizge óziniń zulym nıetin ómirde júzege asyrý úshin jalǵan dinı sıpatty doktrınalardy jamylǵandardyń basqynshylyq jáne zombylyq aktileriniń shynaıy mánin ajyratýdy jáne áshkereleýdi úırenýimiz qajet.
Rýhanı kelisim kúni - shıelenister men qaqtyǵystarǵa maratorıı kúni, qaıyrymdylyq jáne jaqyndarǵa kómek kúni», - dedi oblys ákimi.
Sondaı-aq, sharanyń resmı bóliginen keıin aımaq basshysy osy baǵyttaǵy belsendi jumysy úshin aqmolalyq 9 azamatty alǵys hattarmen marapattady.
