Kýlagın 790 metr tereńdikke tústi
KÓKShETAÝ. QazAqparat - Aqmola oblysynyń əkimi Sergeı Kýlagın jumys saparymen Stepnogor qalasynda bolyp, óńirdiń əleýmettik-ekonomıkalyq damýymen tanysty, dep habarlaıdy "QazAqparat" HAA tilshisi oblys ákiminiń baspasóz qyzmetine silteme jasap.
Aımaq basshysy "Qazaqaltyn" TKMK" AQ-nyń Bestóbe kentindegi "Zapadnaıa" shahtasynda 790 metr tereńdikke tústi. Onda ken óndirý kólemin arttyrý maqsatynda paıdaly qazbalardy tasymaldaý úshin ótken jyly ornatylǵan kóterý mehanızminiń jumysymen tanysty. Shahterlermen kezdesip, jaǵdaılaryn bildi.
Shahta basshysy Ədilhan Qalıevtiń aıtýynsha, "Zapadnaıa" shahtasynyń jyldyq qýaty 600 myń tonna rýdany quraıdy. 2015-2016 jyldary quramynda altyny bar 240 myń tonna rýda alyndy. Shahtanyń jalpy tereńdigi 880 metr bolsa, onyń 790 metrinde ǵana ken óndirý jumystary júrgizilýde.
