Qulager máńgilik tuǵyryna mindi!
sp;ASTANA. Jeltoqsannyń 10-y. QazAqparat. 2009 jyldyń qarasha aıynyń 27 juldyzynda Uly dalanyń dańqty tulpary Qulagerge arnalǵan eskertkish salynyp bitti. Bul el ómirindegi aıtýly oqıǵa bolyp sanalady. Sebebi, Qulager eskertkishin búkil halyq tosyp júrgen bolatyn. Eskertkish «Astana-Kókshetaý» avtobanynyń boıynda ornalasqan. Músinniń uzyndyǵy - 8 metr, bıiktigi - 5 metr, salmaǵy - 5 jarym tonna, taza mystan quıylǵan. Jalpy uzyndyǵy - 11 metr,
dep habarlaıdy QazAqparat.
Eskertkish salýdyń ıdeıasynyń avtory, ári uıymdastyrýshysy Sádibek Túgeldiń aıtýynsha, «Qulager monýmentiniń ult úshin, urpaq úshin máni de, mańyzy da óte zor. Óıtkeni, Qulagerdi tuǵyryna mindirý arqyly zulymdyqqa toıtarys berildi, izgilik baıandy etildi».
Halyq uzaq tosqan kıeli eskertkishtiń saltanatty ashylýy 2010 jyldyń mamyr aıynda ótkiziledi. Baǵdarlamada: 50 shaqyrymdyq «Qulager-Alaman» báıgesi, 11 shaqyrymǵa qunan báıge, 9 shaqyrymǵa jorǵa jarys, kókpar, qyz qýý, teńge alý, saıys oıyndary bar. Monýmentti salýǵa elimizdiń kóptegen atymtaı jomart, myrza azamattary kómektesti. Sonyń ishinde erekshe atap óterimiz - Aqmola oblysynyń ákimi Raý Albert Pavlovıch.
