«Qulager» hokkeı komandasynyń bastyǵy ustaldy

PETROPAVL. KAZINFORM — Buǵan deıin alaıaqtyq boıynsha kúdikke ilingen Sergeı Fıl qolǵa tústi.

Tártip saqshylary ony Qaraǵandyda qolǵa túsirdi. 

Soltústik Qazaqstan oblysy polıtsııa departamenti baspasóz qyzmetiniń málimetinshe, Astananyń 45 jastaǵy turǵyny eki nemese odan da kóp adamǵa qatysty alaıaqtyq jasady degen kúdikke ilingen.

— Er adam polıtsııa basqarmasynyń ýaqytsha ustaý ızolıatoryna qamaýǵa alyndy. Qozǵalǵan qylmystyq is aıasynda sotqa deıingi tergeý júrgizilip jatyr. Qylmystyq-protsestik kodekstiń 201-babyna sáıkes, ózge málimetter bul kezeńde jarııa etilmeıdi, — delingen baspasóz habarlamasynda.

Esterińizge salaıyq, SQO-daǵy «Qulager» hokkeı klýbynyń bastyǵy 24 qyrkúıekten beri habar-osharsyz ketip, birneshe hokkeıshi oǵan alaıaqtyq faktisi boıynsha polıtsııaǵa shaǵymdanǵanyn jazǵan edik.