«Qulager» HK Qazaqstan kýbogynyń ıegeri atandy
ASTANA. QazAqparat - Pavlodarda «Astana» muz aıdynynda 28 tamyzda Qazaqstan Kýbogynyń 14-shi oıynynyń fınaldyq matchy ótti. Onyń qorytyndysy boıynsha týrnırdiń jeńimpazdary men úzdik oıynshylaryn marapattaý rásimi boldy.
Birinshilik jeńimpazdary «Qulager» HK hokkeıshilerine jarystyń bas júldesi - Qazaqstan Kýbogyn Hokkeı federatsııasynyń prezıdenti Asqar Mámın men Pavlodar oblysynyń ákimi Bolat Baqaýov tabys etti, dep habarlady KTJ baspasóz qyzmeti.
Asqar Mámın men Bolat Baqaýov týrnırdiń barlyq qatysýshylary men júldeli úsh oryndy ıelengen ujymdardy quttyqtap, jańa bıikterdi eńsere berýlerin tiledi.
Eske salsaq, Qazaqstan Kýbogy 2016 jyly eldiń eki qalasynda ótti: Pavlodarda («A» toby) jáne Kókshetaýda («B» toby). Jarysqa 10 komanda qatysty. Bas júldeni «Qulager» hokkeıshileri enshiledi, ekinshi oryndy «Ertis» ıelendi, úshinshi oryn «Almaty» HK-na buıyrdy.
Amplýa boıynsha: Andreı ıAnkov - úzdik qaqpashy, Nerıýs Alıshaýskas - úzdik qorǵaýshy, Ilnar Mıshabov - úzdik shabýylshy, Aleksandr Borısevıch úzdik jas oıynshy atandy.
