Qulaǵan ushaq ushýǵa jaramdy bolǵan - QR Bas kólik prokýratýrasy
QR Investıtsııalar jáne damý mınıstrliginiń habarlaýynsha, áýe kemesiniń ushýǵa qajetti barlyq qujattary, ushý jaramdylyǵy týraly sertıfıkaty, áýe jumystaryn júrgizýi týraly kúáligi bolǵan.
Ushý jumystary áýe navıgatsııasy organdarymen kelisilgen.
Qazir oqıǵa ornynda Taldyqorǵan kólik prokýrory, Almaty-1 stansasy Іshki ister Jelilik bólimi, Altynkól stansasynyń jelilik bólimi, Panfılov aýdandyq TJD mamandary jumys istep jatyr.
Atalǵan derek Almaty áýejaıynyń QR QK 344 babynyń 3 bólimi boıynsha biryńǵaı sotqa deıingi tergeý isi reestrine tirkeldi.
Mınıstrlik tótenshe jaǵdaıdyń sebepterin anyqtaý úshin tekserý jumystary týraly buıryq shyǵarmaq.
Eske sala keteıik, tótenshe jaǵdaı búgin tańerteń Panfılov aýdanynda Sholaqaı aýylyna jaqyn jerde bolǵan.
Júgeri egistigin óńdeýge shyqqan ıAK-12 ushaǵy qulap, artynan órtene bastaǵan. Bortta ushqysh pen taǵy bir adam bolǵan. Ekeýi de qaza boldy.