Qulaǵan áskerı ushaq 2013 jyly kúrdeli jóndeýden ótken - QM
«Komıssııa jumysty tekserip, aldyn alý jumystaryn júrgizgennen keıin MıG-31 joıǵysh ushaqtary qaıtadan ushyryla bastaıdy. Apattyń shynaıy sebebin anyqtaý úshin ushaqty quraýshy kásiporynnyń ókilderi de, ushaqtyń ózin jóndegen adamdar da tartylady», - dedi Nurlan Ormanbetov OKQ-da onlaın rejımde ótken baspasóz máslıhatynda.
Onyń aıtýynsha MıG-31 modeldi ushaqtardyń apaty elimizde buryn da tirkelgen.
«16 sáýirdegi ushý saparlary josparǵa sáıkes júrgizilgen. Atap aıtqanda bizdiń áýe ushqyshtar quramynyń jaýyngerlik kezekshilik boıynsha daıyndyǵy júrgizilgen. Ushaq aqaýsyz bolǵan. Oǵan arlyq tehnıkalyq qyzmet túri kórsetilgen. Ár sapar aldynda olar belgili bir daıyndyqtan, al ekıpaj quramy daıarlyqtan ǵana emes, medıtsınalyq tekseristen, atap aıtqanda ár ushqyshqa mindetti medbıke men psıhologtyń tekserýinen ótedi», - dedi ol.
Nurlan Ormanbetov MıG-31 joıǵysh ushaǵynyń RF Nıjnıı Novgorodyndaǵy «Sokol» avıatsııalyq kásipornynan 1991 jyly shyǵarylǵan. Ushý kezinde qoldanylǵanyna 29 jyl bolǵan. Al talap boıynsha tikushaqtyń qyzmet etý merzimi – 30 jyl. ıAǵnı 2021 jyly ushaq qoldanystan alyp tastaý kózdelip otyrǵan.
«2013 jyldyń 19 qarashasynda RF Rjev qalasyndaǵy 514-shi avıajóndeý zaýytyndaǵy atalmysh ushaq josparly kúrdeli jóndeýden ótken. Jóndeýden keıin onyń qyzmet kórsetý ýaqyty 8 jyl dep belgilengen», - dedi ol.
Eske sala ketsek keshe Qaraǵandy oblysynda áskerı ushaqtyń apatqa ushyraǵany týraly habarlaǵan edik. Qulaǵan ushaqtan eki sarbaz zardap shekti.
