Quqyqtyq jáne salystyrmaly zertteýler ınstıtýty quryldy

Bul búgin Almatyda ótken baspasóz máslıhatynda aıtyldy, dep habarlaıdy QazAqparat.

Instıtýt dırektory Baqyt Nurǵalıevtiń aıtýynsha, ýnıversıtettegi jańa qurylym respýblıkadaǵy qylmyspen kúrestiń ózekti máselelelerine irgeli jáne qoldanbaly ǵylymı zertteýler uıymdastyrý jáne júrgizý, sonymen birge oǵan oń yqpal etetin sharalardy, ulttyq zańnamanyń, quqyq qorǵaý organdary qyzmetiniń jetildirilýin, oǵan mamandar daıyndaý sapasyn, oqytý úderisin jáne professorlyq-oqytýshylyq quramnyń biliktiligin arttyrýdy qamtamasyz etý úshin qurylyp otyr. Onyń qyzmeti qylmyspen kúres salasyndaǵy qoldanystaǵy zańnamaǵa, Qazaqstannyń quqyqtyq saıasat tujyrymdamasyna, Bilim jáne ǵylym mınıstrliginiń joǵary oqý oryndarynda ǵylymı-zertteý jumystaryn uıymdastyrý týraly buıryqtary men nusqaýlyqtaryna saı júzege asyrylady.

QR Jaratylystaný ǵylymdary ulttyq akademııasynyń akademıgi, zań ǵylymdarynyń doktory, professor Baqyt Moldatııaulynyń sózine qaraǵanda, Quqyqtyq jáne salystyrmaly zertteýler ınstıtýty mynadaı máselelerdi sheshedi. Zań jobalaryna, onyń ishinde vedomstvolyq normatıvtik aktiler men basqarýshylyq sheshimderge saraptama jasaý. Onyń ishinde Bilim jáne ǵylym mınıstrliginiń jáne basqa da vedomstvolardyń tapsyrysy boıynsha zańnamalardyń ulttyq qaýipsizdik múddesine sáıkestigine ǵylymı taldaý jasaý. Zamanaýı kezeńdegi qylmyspen kúres strategııasy men tásilderin ǵylymı negizdeý, qylmys jasaýǵa tikeleı jáne janama túrde jaǵdaı týǵyzatyn alǵysharttardy anyqtaý. Qoldanystaǵy zańnama normalaryn jetildirý boıynsha ǵylymı-zertteýler júrgizý jáne osy negizde qoldanystaǵy zańnamaǵa balama zań jobasyn nemese ózgertýlerdi daıyndaý. Quqyq qorǵaý organdarynyń qylmyspen kúresýdegi praktıkalyq qyzmetin zerttep bilý jáne olardyń jumysyndaǵy oń tájirıbelerdi taratý. Olardyń qylmyspen kúres baǵytynda basqa memlekettik organdarmen, qoǵamdyq uıymdarmen birlese áreket etý formalary men tásilderiniń negizgi baǵyttaryn ǵylymı negizdeý. Qylmyspen kúres salasynda áleýmettik zerteýler júrgizý. Zertteýler nátıjeleri boıynsha konferentsııalar men dóńgelek ústel jıyndaryn uıymdastyrý. Qylmyspen kúrestiń ózekti máselelerin buqaralyq aqparat quraldarynda talqylaý. Anyqtamalyq-bıblıografııalyq jumys júrgizý. Ǵylymı jáne oqytý ádebıetterin, sondaı-aq kandıdattyq, doktorlyq ǵylymı dıssertatsııalar daıyndaý. Sot jáne tergeý tájirıbesiniń materıaldaryna taldaý jasaý.