«Quqyqtyq tártip» jedel-profılaktıkalyq is-sharasynyń qorytyndysy shyǵaryldy
ASTANA. Tamyzdyń 31-i. QazAqparat /Danıel Shaıynǵazın/ - «Konstıtýtsııa kúnin» merekeleý qarsańynda jedel jaǵdaıdy saýyqtyrý, kósheler men qoǵamdyq oryndarda quqyq buzýshylyqtyń aldyn alý, eskertý jáne jolyn kesý, tıisti quqyq tártipti qamtamasyz etý maqsatynda 2010 jylǵy tamyzdyń 24-28-i aralyǵynda respýblıka aýmaǵynda «Quqyqtyq tártip» jedel-profılaktıkalyq is-sharasy ótkizildi, dep habarlaıdy QR ІІM Ákimshilik polıtsııa komıtetinen.
Іs-sharaǵa 27 myńǵa jýyq ishki ister organdarynyń qyzmetkerleri men ishki áskerlerdiń áskerı qyzmetshileri, sonymen qatar 7,5 myńnan jurtshylyq ókilderi jáne 3 myńǵa jýyq avtokólik jumyldyryldy.
Jedel-profılaktıkalyq is-sharany ótkizý kezinde jalpy 1 665 qylmys, onyń ishinde 30 qoǵamdyq orynda jáne 17 kóshelerde jasalǵan qylmys tirkelip, ashylýy 77,6% qurady, sondaı-aq buryn jasalǵan 426 qylmys ashyldy.
173 izdeýde júrgen qylmyskerler ustalǵan, sondaı-aq 26 izdeýde júrgen urlanǵan jáne aıdap áketilgen avtokólikter izdestirilip, tabyldy.
189 esirtki qylmysy, onyń ishinde 33 satý faktisi anyqtaldy, bul rette 162 kılá 915 gr. esirtki zaty, onyń ishinde 752 gr. geroın tárkilendi.
Zańsyz saqtalǵan 446 birlik qarý-jaraq, onyń ishinde 12 oıyq atys qarýy, 314 tegis uńǵyly atys qarýy, onyń ishinde 75 sholaq qarý, 35 jaraqat salatyn uńǵysyz atys qarýy, 55 gazdy qarý, 26 qoldan jasalǵan jáne onyń ishinde 4 gazdy qarýdan ózgertilgen qarý-jaraq tárkilendi.
42 873 ákimshilik quqyq buzýshylyq, onyń ishinde 1 345 usaq buzaqylyq, 19 967 qoǵamdyq orynda spırttik ishimdik ishý nemese mas kúıde júrý, mas kúıde kólik quralyn basqarýdyń 1 164 faktisi anyqtaldy, 263 táýliktiń túngi ýaqytynda oıyn-saýyq oryndarynda kámeletke tolmaǵandardyń bolýyna jol berý, 165 - kámeletke tolmaǵandar jasaǵan buzaqylyq.
Qazaqstan Respýblıkasynda bolý erejesin buzǵany úshin 8 819 shetel azamaty, onyń ishinde 375 alys shetel azamaty ákimshilik jaýapkershilikke tartyldy.
