«Quqyqtyq tártip» jedel-profılaktıkalyq is-sharalary kezinde 1815 qylmys tirkeldi - ІІM
ASTANA. 31 tamyz. QazAqparat /Qanat Mámetqazyuly/ - «Quqyqtyq tártip» jedel-profılaktıkalyq is-sharalary kezinde 1815 qylmys tirkeldi.
Bul týraly búgin QR ІІM ótken brıfıngte vedomstvonyń baspasóz hatshysy Nurdildá Oraz málim etti.
«Ótken aptada Іshki ister mınıstrligi men onyń qurylymdyq bólinisteri birqatar jedel profılaktıkalyq is-sharalar uıymdastyrdy. Atap aıtqanda, Konstıtýtsııa kúnin merekeleý qarsańynda kósheler men qoǵamdyq oryndarda jedel jaǵdaıdy saýyqtyrý, eskertý, jolyn kesý maqsatynda 25-27 tamyz aralyǵynda «Quqyqtyq tártip» jedel-profılaktıkalyq is-sharalary júrgizildi.
Operatsııa kezinde 1815 qylmys tirkeldi. Onyń 141-i qoǵamdyq oryndarda jasalǵan», - deıdi baspasóz hatshysy. Operatsııa barysynda 92 qylmys ashylǵan.
26 ákimshilik quqyq buzýshylyq, onyń ishinde usaq buzaqylyq, ishimdik ishý nemese qoǵamdyq oryndarda mas kúıde bolǵany, turǵyn úıden tys jerlerde kámeletke tolmaǵandardyń zańdy ókilderdiń ilesip júrýinsiz bolýy, avtokólikti mas kúıinde basqarýy anyqtaldy.
Sonymen qatar, 27 tamyzda adam saýdasy, jeńgetaılyq, prıton ustaý, jezókshelikpen aınalysýǵa tartý, adamdardy urlaý jáne paıdalaný maqsatynda adamdardy bas bostandyǵynan zańsyz aıyrý faktilerin anyqtaý boıynsha krımınaldyq polıtsııa bólinisteri júrgizgen «STOP-trafık» jedel izdestirý is-sharalary aıaqtaldy.
Qabyldanǵan sharalardyń nátıjesinde polıtsııa qyzmetkerleri adam saýdasynyń 5, kámeletke tolmaǵandardyń 3, jezókshelikpen aınalysýǵa tartýdyń 3, jeńgetaılyqtyń jáne prıton ustaýdyń 40 faktisin anyqtady.
