«Quqyqtyq tártip» jedel-aldyn alý sharalarynyń eki kúni ishinde izdeýde júrgen 4 qylmysker ustaldy
ASTANA. QazAqparat - Qazaqstan Respýblıkasy Prezıdenti saılaýyn ótkizý jáne mamyr meıramdaryn merekeleý qarsańynda temir jol jáne áýe kóligi nysandarynda quqyqtyq tártipti saqtaý, quqyqbuzýshylyqtardy boldyrmaý, qylmystardyń jolyn kesý maqsatynda 2015 jylǵy 20-22 sáýir aralyǵynda QR ІІM Kóliktegi ІІD qyzmet kórsetý aýmaǵynda «Quqyqtyq tártip» jedel-aldyn alý is-sharasy ótkizilýde, bul jóninde osy vedomstvonyń bpaspóz qyzmeti habarlady.
«Tártipsizdikke múldem tózbeýshilik» qaǵıdatyn iske asyrý sheńberinde ótkizgen shara barysynda 2 kún ishinde ártúrli ákimshilik quqyq buzǵan 775 adam ákimshilik jaýapkershilikke tartyldy. Onyń ishinde usaq buzaqylyq úshin - 49, alkagoldik ishimdikter iship, mas kúıinde qoǵamdyq oryndarda bolǵan - 126, belgilenbegen oryndarda saýda jasaǵan - 77 quqyq buzýshyǵa jaza qoldanyldy.
Máselen, aǵymdaǵy jyldyń 20 sáýiri kúni Astana stansasy temir jol vokzalynyń perronynda ortaq paıdalaný oryndaryn lastaǵany úshin «Shymkent-Astana» baǵytyndaǵy jolaýshylar poezynyń 21 jastaǵy jolserigi ustalyp, ÁQBtQRK 434-baby 1-bóligi boıynsha ákimshilik jaýapkershilikke tartyldy. Oǵan Astana qalasynyń mamandandyrylǵan ákimshilik sotynyń sheshimimen 10 AEK kóleminde aıyppul salyndy.
Buǵan qosa Astana stansasynyń temir jol vokzalynda qoǵamdyq oryndarda taksı qyzmetin mazalap usynýǵa qatysty 3 fakti anyqtalyp, olar ÁQBtQRK 449-baby boıynsha ákimshilik jaýapkershilikke tartyldy.
Sondaı-aq, QR-da bolý erejesin buzǵan 37 sheteldik anyqtaldy. Onyń 19-y alys shetel, 18-i TMD elderiniń azamattary . Shara barysynda kólik polıtseıleri izdeýde júrgen 4 qylmyskerdi ustady. Kóliktegi ІІD krımınaldyq polıtsııasy men Reseı Federatsııasy qyzmetkerleri QR QK 250-baby (Kontrabanda) boıynsha halyqaralyq izdeýde júrgen qylmyskerdi Kalınıngrad qalasynyń aýmaǵynda quryqtady.
Turǵylyqty meken-jaıy belgisiz 16 azamat qabyldap-taratý oryndaryna, 21 quqyq buzýshy medıtsınalyq aıyqtyrǵyshqa ornalastyryldy. Kámeletke tolmaǵandardy beıimdeý ortalyǵyna kólik nysandarynda maqsatsyz qańǵyp júrgen 4 jasóspirim jetkizildi.
