«Quqyqtyq tártip» is-sharasy: Polıtsııa ókilderi ne isteýge quqyly

NUR-SULTAN. QazAqparat – Іshki ister mınıstrliginiń resmı ókili Nurdildá Oraz eldiń birneshe óńirinde júrip jatqan «Quqyqtyq tártip» is-sharasy aıasynda polıtsııa ókilderi qandaı áreketke barýǵa quqyly ekenin túsindirdi, dep habarlaıdy QazAqparat tilshisi.

«Óńirlerde ishki ister organdary «Quqyqtyq tártip» jedel-aldyn alý is-sharasyn ótkizip jatqanyn eske salamyn. Onyń negizgi maqsaty – óńirdegi jedel jaǵdaıdy saýyqtyrý, zańdylyq pen quqyqtyq tártipti, qaýipsizdikti qamtamasyz etý», - dedi Nurdildá Oraz.

Atalmysh is-shara aıasynda polıtsııa qyzmetkerleri mynadaı áreketter oryndaı alady:

- kólik quralynyń jáne jeke basty kýálandyratyn qujattardy tekserý, kólikti tintý jáne azamattardyń zattaryn tekserý;

- jalǵa alynǵan páterlerdi, ıesiz úılerdi, hostelderdi, saıajaılardy, bazarlardy, tehnıkalyq qyzmet kórsetý stantsııalaryn, sharýa qojalyqtaryn, shalǵaıdaǵy ýchaskelerdi, qystaqtardy jáne basqa da shalǵaı jerlerdi tekserý;

- atys, travmatıkalyq jáne sýyq qarýdy, oq-dárilerdi, jarylǵysh zattardy tárkileý;

- turaqty turǵylyqty jeri joq adamdardy, zańsyz kóship-qonýshylardy anyqtaý;

- buryn sottalǵan jáne ishki ister organdarynda esepte turǵan ózge de adamdardy tekserý.

«ІІM azamattardy jedel-profılaktıkalyq is-sharalarǵa túsinistikpen qaraýǵa shaqyrady», -dedi mınıstrliktiń resmı ókili.