Quqyqtyq saıasatty júzege asyrýǵa qatysty 2011 jyldyń qańtarynan birqatar zań normalary qoldanysqa ene bastaıdy

Búgin QR Parlamenti Májilisinde «Bilikti zań kómegine quqyq jáne advokatýranyń táýelsizdigi» atty dóńgelek ústel barysynda Ádilet mınıstrligi Tirkeý qyzmeti jáne quqyqtyq kómek kórsetý komıteti tóraǵasynyń orynbasary Janat Elımanov osylaı málim etti.

«Qazaqstannyń quqyqtyq saıasaty tujyrymdamasyn júzege asyrý sheńberinde 2011 jyldyń qańtarynan bastap birqatar zań normalary qoldanysqa ene bastaıdy. Bundaı zańnamalyq aktilerde atalǵan tujyrymdamada qarastyrylǵan problemalar ishinara ári satylap sheshimin tabatyn bolady. Atap aıtqanda, memlekettik bıýdjet esebinen tegin quqyqtyq kómek alatyn tulǵalardyń sany arta túsedi. Belgili bir deńgeıde advokattardyń protsessýaldyq ýákilettiligi de keńeıedi. Onyń ishinde osy sanattaǵy quqyq qorǵaýshylarǵa óz betinshe sot saraptamasyn júrgizýge bastama jasaý múmkindigi qarastyrylady. Budan bólek, advokattyń zańdy qyzmetine kedergi keltiretinderge qylmystyq jaza kúsheıe túsedi», - dedi J. Elımanov.

Onyń aıtýynsha, QR Prezıdenti janyndaǵy Quqyqtyq saıasat jónindegi keńestiń otyrysy barysynda Ádilet mınıstrligi advokattyq qyzmetti uıymdastyrýdaǵy birqatar problemalarǵa nazar aýdarǵan. Osynyń negizinde arnaıy zań jobasy ázirlenip, qujat Parlament Májilisine usynylǵan.