«Quqyq tártibi» jedel-saýyqtyrý sharasynyń alǵashqy kúninde 171 qylmystyń izi sýymaı ashyldy - ІІM
ASTANA. 26 tamyz. QazAqparat - «Tamyzdyń 25-inen bastap respýblıka aýmaǵynda «Quqyq tártibi» jedel saýyqtyrý sharasy ótýde»,-dep habarlaıdy Іshki ister mınıstrliginiń baspasóz qyzmeti.
Baspasóz málimetterine qaraǵanda, atalmysh sharanyń maqsaty - qoǵamdyq oryndar men kóshelerdegi quqyqbuzýshylyq áreketteriniń jolyn kesip, ishki ister organdarynda arnaıy esepte turǵan jasóspirimderdiń quyqbuzýshylyqtarynyń aldyn alý bolyp tabylady. Osyǵan qaraı sharaǵa ishki ister salasynyń 27 myń qyzmetkeri men ishki áskerdiń sarbazdary tartylǵan. Sonymen qatar oǵan 6 myńǵa jýyq qoǵamdyq ókilder atsalysqan. Shara barysynda halyq demalatyn aýmaqtar men ormandy alqaptarda kezekshi saqshylar sany kóbeıtilip, avtosholǵynshylar torýyldady. Al saıajaı aımaqtary men qala syrtynda atqa mingen saqshylar men jyljymaly polıtsııa tirekteri jumys istedi. Jedel-saýyqtyrý sharasynyń alǵashqy kúninde 171 qylmystyń izi sýymaı ashyldy. Olardyń
35-i qoǵamdyq oryndarda jasalsa, 21-i kóshede oryn alǵan. Buǵan qosa 1 myń 81 ákimshilik quyqbuzýshylyqtar anyqtaldy. Olardyń 29-y usaq buzaqylyq áreketter bolsa, 540 fakti ruqsat etilmegen jerlerde spırtti ishimdikter ishýmen jáne mas kúıinde qoǵamdyq oryndarda júrýmen baılanysty boldy. Jedel-izdestirý sharasy 27-shi tamyz kúni aıaqtalady.
