«Quqyq tártibi» sharasynyń barysynda buryn jasalǵan 14 qylmys ashyldy
ASTANA. 25 qańtar. QazAqparat /Aıdar Ospanalıev/ - Astana qalalyq tártip saqshylarynyń «Quqyq tártibi» jedel-saýyqtyrý sharasynyń barysynda 3 myń 381 ákimshilik quqyqbuzýshylyq anyqtaldy.
Atalmysh sharanyń nátıjesimen búgin jýrnalıstermen bolǵan brıfıngte Astana qalalyq Іshki ister departamentiniń Qoǵamdyq qaýipsizdik basqarmasy bastyǵynyń orynbasary Qýantaı Ómirbekov tanystyrdy.
Shara barysynda shet memleketterden kelýshiler tarapynan 214 elimizge kelý tártibin buzý áreketi anyqtalyp, 26 azamat el aýmaǵynan shyǵaryldy. Sondaı-aq 106 qańǵybas pen qaıyr tilep júrgender ustalyp, 985 adam ishki ister bóliminiń foto jáne beıneesebine engizildi. Zańsyz saqtalyp kelgen 9 qarý tárkilendi. Al kólikti mas kúıinde júrgizgen 36 azamat ustalyp, jaıaý júrginshiler tarapynan jol erejesin buzýdyń 260 faktisi anyqtaldy. Shara kezinde buryn jasalǵan 14 qylmys ashylyp, izdeýde júrgen 5 azamat qolǵa tústi.
Jedel-saýyqtyrý sharasy 20-22 qańtar aralyǵynda júrdi.
