Quqyq organdary qazaqstandyq qoǵamnyń turaqtylyǵy men qaýipsizdigin nyǵaıtýda mańyzdy ról atqaryp otyr - M.Qul-Muhammed
Bul pikirdi búgin elordada ótip jatqan zańgerlerdiń І respýblıkalyq sezi barysynda QR Memlekettik hatshysy Muhtar Qul-Muhammed bildirdi.
Elbasy Nursultan Nazarbaev Qazaqstan táýelsizdiginiń ár kezeńinde elimizdiń quqyqtyq damýyna erekshe bólip kele jatqandyǵyn basa aıtqan Memlekettik hatshy: «Memleket basshysy óziniń bıylǵy Joldaýynda da elimizdiń sot jáne quqyq qorǵaý júıesin jańartýdyń qajettiligi jóninde atap ótkenin ózderińiz jaqsy bilesizder. Osyǵan baılanysty túrli quqyq qorǵaý organdaryna arnaıy tapsyrmalar berilip, qazir elimizde osy quqyq qorǵaý júıesin jańartýdyń, jańǵyrtýdyń jospary bekitilip, is-sharalardy júzege asyrý bastalyp ta ketti», - dedi.
Memlekettik hatshy sondaı-aq, óz sózinde aǵymdaǵy jyly sot korpýsyn qalyptastyrý tártibi qaıta qarastyrylatyndyǵyn, tórleik sot júıesiniń nyǵaıtylatyndyǵyn basa aıtty.
«Qazaqstannyń quqyq qorǵaý júıesi aǵymdaǵy jyly 20 jyldyǵyn atap ótetindigine jeke toqtalǵym keledi. Quqyqtyq tártip organdary qazaqstandyq qoǵamnyń qaýipsizdigi men turaqtylyǵyn nyǵaıtýda mańyzdy rólge ıe boldy», - dedi M. Qul-Muhammed.
