Quqyq qorǵaýshylar jurt shaǵym aıtqan Almatydaǵy tergeý oqshaýlaǵyshyn tekserdi
ALMATY. QapzAqparat - ІІM QAJ Komıteti BAQ-ta tergeý oqshaýlaǵyshynda otyrǵan adamdardyń jaǵdaıy týraly jarııalanǵan aqparatqa qatysty túsiniktemesin berdi, dep habarlaıdy vedomstvonyń baspasóz qyzmetine silteme jasaǵan «QazAqparat» HAA.
Sottalǵandardyń quqyqtarynyń qorǵalýyn qadaǵalap júrgen Almaty jáne Almaty oblysy boıynsha qoǵamdyq baıqaý komıssııasynyń tóraǵasy men músheleri keshe, 24 jeltoqsan kúni tergeý abaqtysynyń turǵyn ǵımarattaryna bardy.
Kameralardaǵy temperatýra 23-24 gradýs jylylyqty kórsetti, tergeýde júrgen jáne sottalǵandardan jylýǵa qatysty shaǵymdar men ótinishter kelip túsken joq.
LA-155/18 mekemesiniń ákimshiliginiń túsindirýinshe, 21 jeltoqsanda «AlmatyQazTransGaz» gaz kompanııasynyń mamandary mekeme qazandyǵyna gaz jiberip, odan keıin eki gaz qazandyǵyn iske qosty. Búginde gaz qazandyqtaryna ornatylǵan termometrlerdegi temperatýralyq rejım normalarǵa saı bolyp otyr.
Ekologııalyq taza otynǵa ótýmen birge qorshaǵan ortany adamnyń densaýlyǵy men qorshaǵan orta úshin zııandy jáne qaýipti qaldyqtardan qorǵaý máselesi de sheshildi, dep atap ótti tergeý oqshaýlaǵyshynyń ákimshiliginen.
