Quqyq qorǵaýshy: Qaırat Satybaldyǵa túrmede VIP-jaǵdaılar jasalǵany ótirik

ASTANA. QazAqparat - «Biz azaptaýǵa qarsymyz» qoǵamdyq uıymy basshysynyń orynbasary Baýyrjan Mýsın Óskemendegi quqyq qorǵaý organdarynyń burynǵy qyzmetkerlerine arnalǵan №22 qylmystyq-atqarý mekemesine baryp, Qaırat Satybaldynyń qandaı jaǵdaıda otyrǵanyn kórip qaıtqanyn aıtady, dep habarlaıdy QazAqparat tilshisi.

«Ol mekemede Qaırat Satbaldy otyr. Oǵan VIP-jaǵdaılar jasalǵany týraly ósek aıtylyp jatady ǵoı, sonyń ras-ótirigin bilgim keldi. Ol da ózgeler sııaqty jazasyn ótep jatyr», - dedi Baýyrjan Mýsın.

Onyń aıtýynsha, Qaırat Satybaldy ózge sottalýshylarǵa qaraǵanda qatań baqylaýda.

«Oǵan eshqandaı artyq jaǵdaı jasalmaǵan. Men onyń tártipke saı júrgenin kórip, osynyń bárin biz kelgendikten ádeıi istep otyrsyz ba», - dep suradym. «Bul meniń tańdaýym» dep jaýap berdi. ıAǵnı, ol zańdy berik saqtap otyr», -dedi quqyqqorǵaýshy.