Quqyq qorǵaý júıesin reformalaýǵa shuǵyl túzetýler engizý qajet – Prezıdent

NUR-SULTAN. QazAqparat - Jappaı terrorıstik shabýyldarǵa qarsy turýǵa daıyn bolýymyz kerek. Bul týraly QR Prezıdenti Qasym-Jomart Toqaev málim etti, dep habarlaıdy QazAqparat tilshisi.

QR Prezıdenti ulttyq qaýipsizdikti qamtamasyz etýdiń barlyq júıesin túbegeıli qaıta qurý kerektigin basa aıtty.

«Birinshiden, quqyq qorǵaý júıesin reformalaýǵa shuǵyl túzetýler engizý qajet. Biz polıtsııanyń servıstik modelin qurý jáne qylmystyq protsesti jańǵyrtý isinde birshama ilgeriledik. Biraq, jappaı terrorıstik shabýyldarǵa qarsy turýǵa daıyn bolýymyz kerek. Kúshtik qurylymdardyń qolbasshylary jańa jaýyngerlik daǵdylardy shyńdaýǵa, qorǵanys pen shabýyldaýdyń tıimdi qural-jabdyqtarmen jabdyqtaýǵa shuǵyl kirisýi tıis», - dedi Májilis otyrysyna beınebaılanys arqyly qatysqan Qazaqstan Prezıdenti.