Quqyq qorǵaý júıesin reformalaý jalǵaspaq
ASTANA. 16 aqpan. QazAqparat /Aınur Kenebaeva/ - Quqyq qorǵaý júıesin reformalaý odan ári jalǵaspaq.
Bul turaly búgin QR Prezıdentiniń halyqqa Joldaýynda aıqyndalǵan negizgi basymdylyqtar men mindetterdi taldaý boıynsha QR ІІM qarasty Kóliktegi ishki ister departamentinde bolyp ótken jıynda QR Qarjy mınıstrliginiń Jaýapty hatshysy Natalıa Korjova málimdedi.
Kólik polıtsııasy qoǵamdyq tártiptiń jáne áýejaı, temirjol vokzaldary syndy strategııalyq oryndardaǵy azamattar qaýipsizdiginiń saqtalýyn qamtamasyz etetin quqyq qorǵaý organdary júıesiniń mańyzdy quramdas bóligi bolyp tabylady. Qaýipsizdik qyzmetiniń memlekettik mańyzdylyǵyn eskere otyryp, Elbasynyń bastamasymen jasalǵan kólik polıtsııasy qyzmetin reformalaý isi barysynda úsh jeke departament QR ІІM qarasty ortalyq Kóliktegi ishki ister departamentine biriktirilgen bolatyn.
«Quqyq qorǵaý júıesin qaıta qurý nátıjesinde qyzmetkerler apparaty 15 paıyzǵa qysqartyldy. Bul qysqartý zańmen belgilengen talaptar negizinde ákimshilik reformanyń qajetti sharasy retinde júrgizildi. Reformalaýdyń belgili bir kezeńinde jalaqynyń ósýi kútilýde. Quqyq qorǵaý organdary júıesin reformalaýdy odan ári jalǵastyrý josparlanyp otyr. Soǵan sáıkes keleshekte birqatar laýazymdardy qaıta attestatsııalaýǵa qatysty reformanyń jańa kezeńin júzege asyrý qarastyrylǵan», - dep málimdedi Natalıa Korjova.
