Quqyq qorǵaý salasynyń qyzmetkerlerin attestatsııadan ótkizý sharalary tıisti deńgeıde júrgizilýde - A.Áýbákirov
ASTANA. 30 qańtar. QazAqparat - Astana qalalyq Іshki ister departamentinde Elbasynyń tapsyrmalaryn iske asyrý men sot jáne quqyq qorǵaý organdary júıesin jańǵyrtý baǵytynda aǵymdaǵy jyldyń 1 shildesine deıin quqyq qorǵaý salasynyń qyzmetkerlerin attestatsııadan ótkizý sharalary boıynsha taldaý jumystary júrgizilip, attestatsııalyq komıssııanyń quramy qaralýda.
Bul týraly búgin Elbasynyń «Áleýmettik-ekonomıkalyq jańǵyrtý - Qazaqstan damýynyń basty baǵyty» atty Joldaýyn talqylaýǵa arnalǵan jıynda Astana qalalyq Іshki ister departamentiniń bastyǵy Amantaı Áýbákirov aıtty.
Onyń sózinshe, departamentte qazirgi tańda Memleket basshysynyń tapsyrmasy negizinde kadrlyq qyzmetti jetildirý, ishki ister organdaryna úmitkerlerdi qabyldaý, polıtsııa qyzmetkerleriniń biliktiligin arttyrý boıynsha naqty jumystar atqarylýda.
«Osy ýaqytta attestatsııalyq komıssııa qyzmetiniń ádil ári ashyq bolýyn qamtamasyz etý maqsatynda atalmysh komıssııa quramyna ishki ister organdarynyń ardagerleri men departamenttiń túrli salalarynyń ókilderin tartý jumystary júrgizilýde. Olar tártip saqshylaryn biliktiligi men sportaǵy jetistikteri jáne otansúıgishtik qasıetteri boıynsha baǵalaıdy. Osyǵan baılanysty departament basshylyǵy jeke quramnyń daıyndyq jumystarymen belsendi aınalysýda»,-deıdi A.Áýbákirov.
