Quqyq qorǵaý salasynyń qyzmetkerleri, zańdy búge-shigesine deıin meńgerip, sony adam quqyn qorǵaý úshin paıdalaný kerek - Q.Sultanov
ASTANA. 27 qańtar. QazAqparat /Aıdar Ospanalıev/ -«Quqyq qorǵaý organdary birinshi kezekte azamattardyń quqyqtaryn saqtaýǵa kóńil bólýleri kerek. Memleket basshysynyń búgingi Joldaýynda osy másele kóterilip otyr», - deıdi Májilis depýtaty Qýanysh Sultanov.
«Elbasy Joldaýynda adam quqyqtaryn qorǵaıtyn qyzmetkerlerdiń ózderi zań buzatyn bolsa, olarǵa óte qatań shara qoldaný qajettigin atap ótti. Sondyqtan sot jáne quqyq qorǵaý organdaryn jańǵyrtý qajettigin aıtty. Bul rette quqyq qorǵaý salasy qyzmetkerlerin attestatsııalaý máselesi qolǵa alynyp otyr. Jalpy alǵanda quqyq qorǵaý salasynyń qyzmeti adamǵa qysym jasaý emes, kerisinshe ony qorǵaýǵa negizdelýi tıis», - deıdi depýtat.
Onyń aıtýynsha, búginde elimizdiń quyq qorǵaý organdarynyń qyzmetkerleri ózderin bir jazalaýshy organ ókili sezinedi. «Quqyq qorǵaý salasynyń qyzmetkerleri, zańdy búge-shigesine deıin meńgerip, sony adam quqyn qorǵaý úshin paıdalaný kerek. Biz zań aıasynda ómir súrýge úırenýimiz kerek. Ondaı memleketter álemde kóp. Quqyq qorǵaý qyzmetkerleri óte taza adamdar bolýy tıis», - dedi Q.Sultanov.
