«Quqyq qorǵaý salasyna shekteý qoıyldy» - baspasózge sholý
*** «Keshe Astanada Premer-Mınıstr Serik Ahmetovtiń tóraǵalyǵymen Іshki ister mınıstrliginiń keńeıtilgen alqa májilisi bolyp ótti. Onda osy vedomstvonyń basshysy Qalmuhanbet Qasymov Qazaqstan polıtsııasynyń ótken jyly júzege asyrǵan jumystary men aldaǵy atqaratyn mindetterine toqtalyp ótti», - dep jazady «Egemen Qazaqstan» gazeti senbilik sanyndaǵy «Qoǵam tynyshtyǵy men qaýipsizdigi» atty maqalasynda. Alqa májisinde negizgi baıandama jasaǵan mınıstrdiń málimdeýinshe, ótken jyly elimizdegi asa aýyr qylmystar sany 15 paıyzǵa, kisi óltirý - 12, tonaý - 7, qaraqshylyq 18 paıyzǵa qysqarǵan. Kámelettik jasqa tolmaǵandar tarapynan jasalatyn qylmystar 8 paıyzǵa, qarý qoldaný arqyly jasalǵan qylmystar 11 paıyzǵa azaıǵan. Jalpy sanattaǵy qylmystardyń statıstıkalyq ólshemi onsha aýyr emes jáne aýyrlyǵy ortasha (buzaqylyq, alaıaqtyq jáne urlyq) qylmystardyń 26 paıyzǵa ósýiniń negizgi sebebi qylmystardy tirkeý salasyndaǵy saıasattyń ózgerýi bolyp otyrǵan kórinedi. Jıyndy qorytyndylaǵan Premer-Mınıstr óz sózinde quqyq buzýshylyqtardyń aldyn alý, tergeý jáne taldaý jumystarynyń sapasyn kóterý máselelerine nazar aýdardy. Osyǵan baılanys¬ty, mınıstrlikke quqyq buzý¬shy¬lyq¬tyń aldyn alýdyń jańa baǵdarlamasyn qabyldaý jó¬nin¬de usynystar engizý, ákim¬dik¬termen birlese otyryp, birinshi jartyjyldyqtyń sońyna deıin orta merzimdik kezeńge arnalǵan Óńirlik baǵdarlamany bekitý jóninde tapsyrma berdi. «Olar jaı ǵana áıgileý sıpatynda bolmaý kerek. Qazirgi jaǵdaılardy esepke ala otyryp, naqty sharalar kórsetilýi kerek. Bul jóninde eger sizderge sheteldik qylmyspen kúres mamandarynyń tájirıbesi qajet bolsa, olardy da osy iske tartýǵa bolady», - dep atap ótti S.Ahmetov. Osy basylymnyń jazýynsha, «Nur Otan» partııasynyń jem¬qor-lyqqa qarsy jańa baǵdarlamasy ús¬timizdegi jyldyń birinshi jartysynda ázirlenedi. Bul jóninde keshe par¬tııa janyndaǵy Jem-qor¬lyqqa qar¬sy kúres respýblıkalyq qoǵam¬dyq keńesiniń 2013 jyldy qorytyn¬dy¬laǵan otyrysynda belgili boldy. «Jalpy, 2013 jyly «Nur Otan» partııasynyń Qoǵamdyq qabyldaý bólmelerine laýazymdy tulǵalardyń zańǵa qaıshy áreketteri men ártúrli deńgeıdegi sottardyń zańsyz sheshimine qatysty azamattardan 4243 aryz ben ótinish kelip túskeni belgili boldy. Sonyń jartysynan astamy (67 paıyzy) quqyq qorǵaý organdary men ákimdikter jáne partııa músheleriniń qyzmeti sheńberinde qarastyrylypty. Bul rette Jemqorlyqqa qarsy kúres respýblıkalyq qoǵamdyq keńesiniń músheleri óńirlik jáne aýmaqtyq keńes jumystarynyń jumysyn belsendilendire túsý qajettigine erekshe den qoıdy. Mysaly, senator Qýanysh Aıtahanov 225 aýmaqtyq qoǵamdyq keńes bir jylda 566-aq otyrys jáne 177 ǵana jeke qabyldaýlar ótkizgendigin ótkir synǵa aldy», - dep jazady basylym. Maqala «Kúreste belsendilik aýadaı qajet» degen taqyryppen berilgen. *** «Aıqyn» gazetiniń búgingi sanynda medıtsına ǵylymdarynyń doktory, professor Almaz Sharmanovpen aradaǵy suhbat «Ulttyq medıtsına ózge elderden kósh boıy ozyq» degen taqyryppen berilgen. Basylym tilshisiniń barlyq saýalyna tushymdy jaýap bergen ol: «Meni Elbasy Nursultan Nazarbaev birneshe ret arnaıy qabyldady. Sondaı qabyldaýlardyń birinde Nursultan Ábishuly Astana qalasynda quramynda úlken alty aýrýhanasy bolatyn Ulttyq medıtsına holdıngin qurýdy qolǵa alyp jatqandyǵy týraly aıtyp, maǵan álgi holdıngti basqarýdy usynyp, alda turǵan naqty mindetterdi belgilep bergen-di. Sóıtip, men iske kiristim. Sol jyldary jańadan qurylyp jatqan Ulttyq medıtsına holdınginiń alǵashqy basqarma tóraǵasy boldym. Bastapqyda ulttyq medıtsına holdınginiń qaramaǵynda nebári úsh aýrýhana ǵana bolatyn. Qazirgi kúni bul holdıngte alty aýrýhana oıdaǵydaı jumys jasaýda. Osylaısha, Elbasy aldymyzǵa qoıǵan tapsyrmalardy tolyq oryndap shyqtym. Eń mańyzdysy sol, bizdiń qazaqstandyq neırohırýrgter dál osy Ulttyq medıtsınalyq holdıngke qaraıtyn Kardıohırýrgııalyq ortalyqta Orta Azııa elderi arasynda alǵash ret adamnyń júregin aýystyryp salýdy oıdaǵydaı júzege asyrdy», - deıdi. «Quqyq qorǵaý salasyna shekteý qoıyldy». Dál osy taqyryppen «Aıqyn» gazetinde jaryq kórgen maqalada quqyq qorǵaý organdary ózderine qatysy joq qyzmetterden bosatyladyǵy, máselen, aldaǵy ýaqytta sottalǵandarǵa medıtsınalyq qyzmet kórsetýdi basqarý mindeti Іshki ister mınıstrliginen Densaýlyq saqtaý mınıstrligine berilýi múmkindigi aıtylǵan. Basylymnyń jazýynsha, bul týraly Prezıdent janyndaǵy Ortalyq kommýnıkatsııalar qyzmetindegi brıfıngke quqyq qorǵaý organdaryn reformalaý barysymen tanystyrýǵa kelgen Prezıdent Ákimshiligi quqyq qorǵaý júıesi bóliminiń meńgerýshisi Alık Shpekbaev habarlaǵan. «Quqyq qorǵaý organdaryn ózderine qatysy joq qyzmetterden bosatýǵa áli de kóńil bólinip keledi. Mysaly, sottalǵan azamattar men tergeý kezinde qamaýǵa alynǵandarǵa medıtsınalyq qyzmet kórsetýdi IIM-nen Densaýlyq saqtaý mınıstrligine ótkizý josparlanyp otyr», - depti ol.
