Quqyq qorǵaý salasyn reformalaý sharalary aıasynda zeınetaqylyq tólemder eń joǵarǵy deńgeıge jetkiziledi - on-laın konferentsııa
ASTANA. 20 qańtar. QazAqparat /Aıdar Ospanalıev/ - Quqyq qorǵaý salasyn reformalaý sharalary aıasynda osy sala qyzmetkerleriniń zeınetaqylyq tólemderi eń joǵarǵy deńgeıge jetkiziledi.
Bul týraly búgin Bnews.kz portaly arqyly ótken on-laın konferentsııa barysynda Ádilet vıtse-mınıstri Dýlat Qusdáýletov málim etti.
Onyń aıtýynsha, zeınetaqylyq tólemderdiń deńgeıi ár memlekettik organda árqalaı. Endi olar eń joǵarǵy zeınetaqy alatyn organnyń kórsetkishine qaraı belgilenedi. «Bul máselelerdiń barlyǵy arnaıy normatıvti aktiler arqyly retteledi. Ázirge qandaı da bir deńgeı týraly aıtýǵa bolmaıdy. Alaıda, biz zeınetaqyny eń joǵarǵy kórsetkishke jetkizemiz dep aıta alamyn. Aıtalyq, qylmystyq atqarý júıesindegi zeınetaqy ózge organdarǵa qaraǵanda eń tómen bolatyn bolsa, bolashaqta ol Qorǵanys mınıstrligi nemese Ulttyq qaýipsizdik komıteti sııaqty organdardyń zeınetaqylaryna teńestiriledi», - dedi vıtse-mınıstr.
