Quqyq qorǵaý organyna jumysqa turatyndar mindetti polıgrafologııalyq zertteýden ótedi - Májilis
ASTANA. 6 naýryz. QazAqparat - Búgin Parlament Májilisiniń jalpy otyrysynda palata depýtattary «Quqyq qorǵaý qyzmeti týraly» Qazaqstan Respýblıkasynyń zańyna ózgerister men tolyqtyrýlar engizý týraly» zań jobasyn birinshi oqylymda maquldady.
Atalǵan qujat quqyq qorǵaý organdary qyzmetkerlerin jumysqa qabyldaǵan kezde polıgrafologııalyq zertteýdi qoldanýdy zańnamalyq retteýge baǵyttalatyn mundaı tapsyrmany Memleket basshysy 2011 jylǵy 17 qańtarda Іshki ister mınıstrliginiń keńeıtilgen alqasynda tapsyrǵan bolatyn.
Zań jobasy boıynsha quqyq qorǵaý organdaryna qyzmetke turýǵa kandıdattardyń mindetti túrde polıgrafologııalyq zertteýden ótý tártibi zańnamalyq turǵyda bekitiledi.
Budan bólek qujatta «polıgrafologııalyq zertteý» uǵymy naqtylanyp, quqyq qorǵaý qyzmetine kandıdatty polıgrafta tekserýdi psıhofızıologııalyq kýálendirýdiń bir bóligi retinde tanylý usynylady.
Sonymen qatar zań qoldanylatyn jekelegen uǵymdar naqtylanyp, birinshi arnaýly ataq berý, bir quqyq qorǵaý organynan ekinshisine aýysqan kezde joǵary arnaýly ataqtar men synyptyq shenderdi teńestirý tártibi retteledi.
