Quqyq qorǵaý organdarynyń jumysyna syrttan baǵalaý júıesi engiziletin bolady - M. Tájın
ASTANA. 21 jeltoqsan. QazAqparat Qazaqstanda 2013 jyldyń sońyna qaraı quqyq qorǵaý organdarynyń jumysyn syrttan baǵalaý júıesi engiziletin bolady.
Bul týraly búgin QR Bas Prokýratýrasynyń keńeıtilgen alqa otyrysynda QR Qaýipsizdik keńesiniń hatshysy Marat Tájın málim etti.
Qaýipsizdik keńesi hashysynyń aıtýynsha, búgingi tańda quqyq qorǵaý organdarynyń, arnaıy qyzmettiń, sondaı-aq barlyq memlekettik organdardyń terrorızm men ekstremızmge qarsy kúres turǵysynan baǵalaý júıesi qalyptasqan. «Al endigi negizgi másele quqyq qorǵaý organdarynyń qyzmetin syrttan baǵalaý júıesi týraly bolyp otyr. ıAǵnı, vedomstvo óz-ózin maqtap nemese óz jumysyna ózi syn aıtatyndaı emes, sondaı-aq sýbektıvızmde qalyptasatyndaı bolmaýy kerek. Bizde, eń birinshi kezekte Memleket basshysynda quqyq qorǵaý organdarynyń jumysyn syrttan baǵalaıtyn durys júıeniń qalyptasqany qajet», - dedi jıyn barysynda Marat Tájın.
Onyń aıtýynsha, bul baǵytta eń aldymen naqty ári túsinikti kórsetkishter qatmtylýy shart. Sol kórsetkishterge súıene otyryp, quqyq qorǵaý organdarynyń jumysy baǵalanýy qajet.
