Quqyq qorǵaý organdarynyń jumysyn barynsha ózgertý qajet - Prezıdent

NUR-SULTAN. QazAqparat – Búgin jetinshi shaqyrylǵan QR Parlamentiniń birinshi sessııasynda Prezıdent Qasym-Jomart Toqaev sot qyzmeti týraly aqparat qoǵam úshin neǵurlym qoljetimdi bolýy kerektigin atap ótti, dep habarlaıdy QazAqparat tilshisi.

«Sot qyzmeti týraly aqparat qoǵam úshin neǵurlym qoljetimdi bolǵany jón. Quqyq qorǵaý organdarynyń jumysyn da barynsha ózgertý qajet. Bul másele jóninde Joldaýymda naqty aıttym. Biz azamattarmen ózara qarym-qatynastyń servıstik modelin engizemiz. Qoǵamdyq qaýipsizdik jańa tsıfrlyq tehnologııalardy qoldaný arqyly qamtamasyz etiledi. Parlament zań ústemdigi, adal báseke jáne jekemenshikti qorǵaý qaǵıdattarynyń quqyqtyq negizin nyǵaıta túsýi kerek», - dedi Memleket basshysy.

Osy oraıda Prezıdent bul qaǵıdattar múltiksiz oryndalatynyn atap ótti.

«Búginde birqatar zańnamalyq usynystar boıynsha jumys júrgizilip jatyr. Degenmen, áli de kóptegen tyń bastamalar kóterip, zańdar qabyldaý qajet», - dedi Q. Toqaev.