Quqyq qorǵaý organdarynyń ortalyq jáne oblystyq apparattaryn ońtaılandyryp, qalalyq, aýdandyq bólimshelerdiń kúshin nyǵaıtý qajet - Elbasy

Búgin Aqordada quqyq qorǵaý organdaryn reformalaý máselesine baılanysty ótken májiliste Memleket basshysy Nursultan Nazarbaev quzyrly organdardyń aldyna osyndaı mindet qoıdy. Bul týraly Memleket basshysynyń baspasóz qyzmeti habarlady.

Baspasóz qyzmetiniń málimetterine qaraǵanda, Memleket basshysy sózinde quqyq qorǵaý organdaryn reformalaý jumystarynyń basym baǵyttarynyń biri - atalmysh organ apparatynyn ońtaılandyrý ekendigin atap kórsetken. Bul máseleni sheshý úshin Úkimetke tıisti shtat birligin eseptep, ońtaılandyrý jumystary boıynsha naqty usynystar jasaý qajet.

Prezıdent bul rette ortalyq jáne oblystyq basqarý apparattaryndaǵy qyzmetkerlerdi qysqartý arqyly qalalyq jáne aýdandyq bólimshelerdiń kúshin nyǵaıtý qajettigin eskertken.