Quqyq qorǵaý organdarynyń qyzmetkeri astanalyq kásipkerdi óltirýge tapsyrys bergen
ASTANA. QazAqparat - Astana qalasynyń ІІD polıtsııasy elordalyq jeke kásipkerdiń ómirin qııýǵa tapsyrys bergenderdi tutqyndady, dep habarlady atalǵan departamenttiń baspasóz qyzmetinen.
2014 jyldyń 30 naýryzynda belgisiz bireýler keshki ýaqytta Energetık poselkesinde úıdiń mańynda jeke kásipker K.esimdi turǵyndy PM tapanshasynan úsh ret atyp, jaraqattaǵan.
Jedel izdestirý sharalarynyń barysynda 2014 jyly maýsym aıynda aman qalǵan kásipkerge qaıtadan qastandyq jasaýǵa daıyndalý kezinde elordalyq polıtseıler qylmysty uıymdastyrýshy 1980 jyly týǵan tapsyrys berýshini, 1970 jyly týǵan arada kelisim júrgizgen deldaldy, 1965 jyly týǵan kıllerdi tutqyndady. Ustalynǵandar tergeý ızolıatoryna qamaldy.
Qylmysty oryndaýshy-kıller osydan buryn qasaqana adam óltirgen, atys qarýy men oq-dárini urlaǵan bolyp shyqty. Al, óltirýge tapsyrys bergen uıymdastyrýshy quqyq qorǵaý organdarynda qyzmet isteıtini anyqtaldy.
Polıtsııa qyzmetkerleriniń aıtýynsha, qylmystyń sebebi tabıǵı qazbalardy tabý jáne satýdy qurý boıynsha azamat K.-nyń kásibin tapsyrys berýshi ıelenbek bolǵan.
Atalǵan fakt boıynsha, QR QK Adam ómirine qastandyq jasaý», QR QK «Qyzmet babyn asyra paıdalaný» babtary boıynsha qylmystyq is qozǵaldy. Ustalǵan azamattarǵa qatysty qajetti tergeý jáne arnaıy sharalar júrgizildi.
Qazirgi ýaqytta joǵaryda atalǵan tulǵalarǵa qatysty is Aqmola garnızondyq áskerı sotyna berildi.
