Quqyq qorǵaý organdaryn reformalaý jónindegi memlekettik komıssııa onyń jumysyna taldaý júrgizýi qajet
ASTANA. Tamyzdyń 17-si. QazAqparat - Quqyq qorǵaý organdaryn reformalaý jónindegi memlekettik komıssııa onyń jumysyna taldaý júrgizýi qajet. Bundaı tapsyrmany Aqordada quqyq qorǵaý organdaryn reformalaý máselesine arnalǵan keńeste Elbasy Nursultan Nazarbaev júktedi,
dep habarlaıdy QR Prezıdentiniń baspasóz qyzmeti.
Elbasy búgin «Qazaqstan Respýblıkasyndaǵy quqyq qorǵaý qyzmeti men sot júıesiniń tıimdiligin arttyrý jónindegi sharalar týraly» Jarlyqqa qol qoıatynyn habarlady.
«Memlekettik komıssııa atalǵan Jarlyqty júzege asyrýdyń jumysyn jalǵastyryp, ony aıaǵyna deıin jetkizýleri tıis. Olardyń qyzmetiniń tıimdiligin anyqtaý maqsatynda quqyq qorǵaý organdary jumysyna, qurylymyna taldaý júrgizý qajet»,-dedi Prezıdent.
Elbasy Memlekettik komıssııa eleýli jumys atqarǵanyn aıta kele, kúsh-qýat qurylymdary qyzmetine fýntsıonaldyq taldaý jasalǵanyn, problemalar men kemshilikter anyqtalǵanyn, álemdik tájirıbe keńinen zerdelengenin jetkizdi.
Memleket basshysy Jarlyqty júzege asyrý úshin Parlament óte mańyzdy zańdardyń paketin qabyldap, Úkimetpen belsendi túrde jumys isteýleri qajet ekenin atap ótti.
