Quqyq qorǵaý organdaryn attestattaýǵa qatysty tikeleı Qarjy polıtsııasyna habarlasýǵa bolady
ASTANA. 26 sáýir. QazAqparat - Qazaqstan Respýblıkasy quqyq qorǵaý organdarynyń qyzmetkerlerin kezekten tys attestattaýdan ótkizýdiń ashyqtyǵyn qamtamasyz etý maqsatynda
QR Ekonomıkalyq qylmysqa jáne sybaılas jemqorlyqqa qarsy kúres agenttiginiń www.finpol.kz saıtynda «Quqyq qorǵaý organdarynyń qyzmetkerlerin kezekten tys attestattaý» atty bólim ashyldy.
Onda quqyq qorǵaý organdarynyń qyzmetkerlerin kezekten tys attestattaýdan ótkizý boıynsha tıisti normatıvtik-quqyqtyq aktiler jáne basqa da qujattar jınaqtalǵan. Saıt arqyly kez kelgen adam attestattaýǵa jatatyn qyzmetkerler týraly tolyq aqparat berip, kezekten tys attestattaýdyń ótý barysy men nátıjelerine qatysty materıaldarmen tanysa alady. Bul sharalar osy jumystyń ashyqtyǵyn qamtamasyz etpek.
«Quqyq qorǵaý organdarynyń qyzmetkerlerin kezekten tys attestattaý» bólimi arqyly jeke ótinish te berýge bolady. Osy aıdarǵa kelip túsken barlyq ótinishter Ekonomıkalyq qylmysqa jáne sybaılas jemqorlyqqa qarsy kúres agenttigine, sondaı-aq Prezıdent Ákimshiligine joldanatyn bolady. Ótinish bildirýshilerdiń aty men tegi jarııalanbaıdy. Árbir ótinish tekseriledi jáne attestattaý komıssııalarynyń jumysy barysynda eskeriletin bolady.
