Quqyq qorǵaý organdary men qurylymdyq kúshter arasynda voleıboldan ashyq chempıonat ótedi
ASTANA. 5 maýsym. QazAqparat - Astana qalasynda maýsym aıynyń 6-8 aralyǵynda QR Іshki ister organdarynyń qurylǵanyna 20 jyl tolýyna oraı, quqyq qorǵaý organdary men qurylymdyq kúshter arasynda voleıboldan erler arasynda ashyq chempıonat ótedi.
Jarys quqyq qorǵaý organdary arasyndaǵy salalyq spartakıada baǵdarlamasyna sáıkes, sondaı-aq Sport jáne dene shynyqtyrý isteri jónindegi agenttiginiń bastamasymen ótedi.
Chempıonatqa Ulttyq qaýipsizdik komıteti (ótken jylǵy jeńimpaz), Іshki ister mınıstrligi, Tótenshe jaǵdaılar mınıstrligi, ІІM Іshki áskerler, UQK Shekara qyzmeti, Bas prokýratýrasy, Keden qyzmeti, Qarjy polıtsııasy, Respýblıkalyq Gvardııa jáne QR Qorǵanys mınıstrliginiń qurama komandalary qatysatyn bolady. Uıymdastyrýshylardyń aıtýynsha, kóptegen komandalardyń quramynda tájirıbeli sportshylarmen qatar qyzmetti sportpen qatar alyp júrgen jas oıynshylar da barshylyq. Al tóreshiler brıgadasy negizinen voleıbol federatsııasynyń ulttyq joǵary sanattaǵy sýdıalarynan jasaqtalǵan.
«Dınamo» Ortalyq Keńesi atalǵan chempıonatty quqyq qorǵaý organdary qyzmetkerleriniń daıyndyq deńgeıin arttyrý, jas jáne sportpen aınalysatyn qyzmetkerlerdi anyqtap, olarǵa jaǵdaı jasaýǵa erekshe kónil bólý, voleıbol oıynyn nasıhattaý jáne onyń materıaldyq bazasyn damytý, sondaı-aq salaýatty ómir saltyn qalyptastyrý maqsatynda ótkizedi.
