Quqyq qorǵaý organdary qyzmetkerleriniń jartysynan kóbi qarýdan atý synaǵynan óte almady - A.Shpekbaev
ASTANA. 24 jeltoqsan. QazAqparat - Attestattaýǵa jiberilgen quqyq qorǵaý organdary qyzmetkerleriniń jartysynan kóbi qarýdan atý synaǵynan óte almady.
Bul týraly búgin Aqordada QR Prezıdenti Ákimshiligi quqyq qorǵaý júıesi bóliminiń meńgerýshisi Alık Shpekbaev málim etti.
«Áńgimelesýge jiberilgen laýazymdy tulǵalardyń jalpy sanynan jartysynan artyǵy - atýdan, 22 paıyzy dene shynyqtyrý daıarlyǵy boıynsha synaqtardy tapsyrǵan joq. Ár onynshy qyzmetker zańnamany bilýdi tekserýge arnalǵan testileýden óte almady, 4 831 (5%) qyzmetkerdiń psıhologııalyq ornyqtylyǵynyń tómendigi anyqtaldy», - dep málim etti A.Shpekbaev.
