Quqyq qorǵaý organdary Hrapýnovqa qatysty qozǵalǵan qylmystyq isti tergeýdi jalǵastyrýda - Bas prokýratýra

ASTANA. 14 naýryz. QazAqparat - QR quqyq qorǵaý organdary jasalǵan sybaılas jemqorlyq qylmystar faktileri boıynsha Vıktor Hrapýnovqa jáne basqa tulǵalarǵa qatysty qozǵalǵan qylmystyq isti tergeýdi jalǵastyrýda, dep habarlaıdy QR Bas prokýratýrasynyń baspasóz qyzmeti.

Atap aıtqanda, aıyptalýshylarmen zańsyz alynǵan sheteldik aktıvterdi anyqtaý jáne ıelik etýge tyıym salý maqsatynda Bas prokýratýra Shveıtsarııanyń quzyrly organdaryna halyqaralyq tergeý tapsyrmasyn joldaǵan bolatyn.

Qazirgi ýaqytta Jeneva kantonynyń prokýratýrasymen tıisti tergeý júrgizilýde, sonyń sheńberinde 2012 jylǵy 22 qarashada V. Hrapýnovtyń shveıtsarııalyq bankterdegi shottaryna ıelik etýge tyıym salyndy.