Quqyq qorǵaý qyzmetteri ortalyǵynda azamattardy qabyldaý bastaldy
Osy merzimde ortalyqqa 4,2 myńnan astam azamat kelip, onyń ishinde 2,1 myńnan astam adamdy prokýrorlar jeke qabyldady.
Advokattardyń tegin qyzmetterimen 1 myńnan astam adam paıdalansa, medıatorlar 287 azamatqa keńes berip, 11 medıatıvtik kelisim jasady, ádilet qyzmetkerlerimen 432, al ákimdik qyzmetkerlerimen 227 adam qabyldandy.
800-den astam kelýshige qujattardy durys rásimdeýge kómek kórsetildi (talap-aryzdar, ótinishter jáne taǵy basqalar).
Prokýratýra, «Nur Otan» HDP fılıalynyń jáne basqa da ýákiletti organdardyń basshylyqtarymen Ortalyqta júıeli túpde jeke qabyldaý ótkizilýde.
Budan basqa, jer, ekologııa jáne salyq qatynastary salasyndaǵy sarapshylardy tarta otyryp, azamattardy qabyldaý júzege asyrylǵan 7 is-shara ótkizildi.
Ortalyq qyzmetiniń tıimdiligine, onyń óńir turǵyndaryna naqty kómek berip otyrǵanyna - prokýratýra basshylyǵyna arnalǵan hattar men pikirler dálel. Mysaly, ortalyq qyzmetkerleriniń der kezinde áreket etýiniń arqasynda tóleýden is júzinde bosatylǵan ІІІ-top múgedeginen negizsiz ustalǵan salyq somasy qaıtarylǵan.
Atap aıtqanda, dál osy jerde azamattar ózderiniń ótinishterin berip, buryn berilgen ótinishtiń qalaı qaralyp jatqanyn bile alady, sondaı-aq, oblys basshylyǵynyń jeke qabyldaýyna jazylyp, basqa da bilikti zań kómegin ala alady.
Aıta ketý kerek, Quqyq qorǵaý qyzmetteri ortalyǵy 2017 jyldyń 20 jeltoqsanynda ashylǵan bolatyn. Ony Jambyl oblysynyń prokýratýrasy oblys ákimdiginiń qoldaýymen ashty. Ortalyqta azamattar shaǵymdardyń qaralý barysy týraly bile alady jáne jańa shaǵymdardy berýde, sot isin júrgizýde kómek alyp, medıatorlarmen sotqa deıingi máselelerdi sheshýine jaǵdaı jasalǵan.
Ǵıbrat Sembaı